КОЛЛЕДЖДІҢ АРДАГЕР ҰСТАЗДАРЫНА ҚҰРМЕТ КӨРСЕТІЛДІ

Қарттарды қадірлеу, үлкенді үлгі тұту, құрметтеу қазақы болмысымыз бен тәрбиемізге тән ұлағатты тәлім. Қазақ даналығында «Қарты бар үйдің қазынасы бар» деген нақыл сөз бар. Қарттарымыз өнегелі өмір жолымен өскелең ұрпаққа үлгі болар асыл жандар. 1- қазан «Халықаралық қарттар күні» мерекесіне орай 1- қазан күні ұзақ жылдар бойы ерен еңбегімен, ұрпаққа үлгі ұстаздық қызметін атқарған колледж ардагерлеріне ізгі ілтипат, құрмет көрсету мақсатында Кәсіподақ ұйымының өкілдері қарттарымызды құттықтап үйлеріне барды. Ардагер ұстаздарымызға кәсіподақ комитеті есебінен сый сыяпат жасалды. Қазыналы қарттарымызды ардақтайтын іс- шаралар жыл бойы ұйымдастырылып тұрады. Ардагерлер көңіл бөліп, құрмет білдіргендері үшін колледж ұжымына алғысын білдіріп, батасын берді.