Қыстағы қауіптер!

2020 жылдың 11-ші қарашасынан 20 қарашаға дейін Жоғары көлік және коммуникация колледжінің қызметкерлері мен студенттеріне қысқы уақыттағы көктайғақ және жұқа мұз қатқан судағы жазатайым оқиғалардың алдын-алу бойынша нұсқаулықпен таныстыру жұмыстары ұйымдастырылды. 13 қараша, директордың тәрбие ісі жөніндегі орынбасары Мырзагалиева Г.Г. және қауіпсіздік техникасы бойынша инженері Есентаева Ж.Б. оқытушыларға қауіпсіздік техникасы және қыс мезгілінде жазатайым оқиғалардың алдын-алу туралы онлайн режимінде таныстыру жұмыстарын жүргізді. Жамиля Бейсенбайқызы мұз, мұз қату, шатырлардан қар түсу, қардың жылжуы және ғимараттардың төбесіндегі мұз қатерлері кезіндегі қауіпсіздік шаралары туралы айтты.

20 қараша күні барлық топтарда «Қыстағы қауіптер: жұқа мұздық; көктайғақ; қатты боран; күртік қар; үсік шалу; ашық люктер» тақырыбы бойынша фильмдер мен презентациялар көрсетіліп, тәрбие сағаттары өткізілді.
Онкүндіктің алғашқы күндерінен бастап колледждің холлдарында бейнероликтер көрсетіліп, сонымен қатар колледж сайтында және Facebook, Instagram әлеуметтік желілерінде арнайы ақпараттар орналастырылды.
Топ жетекшілері WhatsApp қосымшасы арқылы жадынамалар жіберіп, білім алушылардың ата-аналарын қыс мезгілін қауіпсіз өткізу туралы ережесімен таныстырды.

Директордың ТЖ орынбасары Г.Мырзагалиева