«Тәуелсіздіктің жеті қыры» фильмін қарау және талқылау

20 қарашадан бастап 1 желтоқсанға дейін Жоғары көлік және коммуникация колледжінің «Әлеуметтік-гуманитарлық пәндер» кафедрасының ұйымдастыруымен «Тәуелсіздіктің жеті қыры» деректі фильмін тамашалап талқылауы жүргізілуде. Колледждің барлық студенттері қамтылған іс шараға тарих пәнінің оқытушылары А.Т.Ахметова, Г.С.Чалгинбаева, Ж.А. Кенжебеков және Г.М. Жанабаева бастаған талқылау жақсы серпін берді. Студенттер өз ойларымен, «Ақылды шешім» деректі фильмі туралы, сюжеттің негізін қалаған ядролық арсеналдан бас тарту туралы және президенттің КСРО ядролық қарудың үштен екісі өткізген Семей полигонын жабу туралы тарихи шешімдерінің маңыздылығымен бөлісті.
Әр топ, әр курс өз арасында жеті фильмнің қызықты тұстарын, өздері өмір сүріп жатқан жас Қазақстанның алғашқы ірге тасы қалай қаланғанын жарыса айтып қызу талқыға салды. Жастар фильмде көрсетілген күрделі әрі жаһандық маңызы бар іс шаралардың өздері тұрып жатқан Елордада шешілгенін, өз Көшбасшыларының сан қыспақтан қалай жол тапқанын көріп, Елбасына деген құрметтерін білдірді.