1 ЖЕЛТОҚСАН – ТҰҢҒЫШ ПРЕЗИДЕНТ КҮНІ!

   Нұр-Сұлтан қаласының Жоғары көлік және коммуникация колледжінде 2020 жылғы 30 қарашада ҚР Тұңғыш президент күніне арналған салтанатты мерекелік іс-шара өтті.
Мерекелік іс-шараны құттықтау сөзімен колледж директоры Зулфухар Сұлтанұлы ашты. Оқытушылар мен студенттерге Нұрсұлтан Әбішұлы Назарбаев көшбасшылық еткен жылдардағы Қазақстанның орасан зор табыстарға қол жеткізгеніне ерекше тоқталды.
- «Бүгінгі таңда Елбасымыз Н.Ә.Назарбаев және мемлекет басшысы Қасым-Жомарт Тоқаевтың егемен елімізге жүргізген сындарлы саясатының арқасында біздің Тәуелсіздігіміз баға жетпес байлығымызға айналды, сондықтан оны қадірлей, қастерлей білейік» - деп, жиналған қауымға өзінің ізгі лебізін білдірді.
Осы мерекеге орай, колледж қызметкерлерін жеткен жетістіктері үшін арнайы алғыс хаттары мен колледждің 75-жыл мерейтойлық төсбелгілерін салтанатты түрде табыс етті.
Атап айтар болсақ, ҚР Білім және ғылым министірлігінің «Қазақстан Республикасының білім беру ісінің құрметті қызметкері» төс белгісі – С.М. Хайруллина, ҚР Білім және ғылым министірінің Алғысымен Серікбол Бекболатұлы марпатталды.
Салтанатты іс-шара колледж өнерпаздары Нұрболат Сейтмуратов пен Ұланбек Бақыттың әсем әндерімен ұласты. Іс-шара естелікке фотоға түсуімен аяқталды

Г. Мырзагалиева .