«Кітапхана қызметінің үздік моделі» қалалық конкурсы

  Үстіміздегі жылдың 30 қарашасында Нұр – Сұлтан қаласы «Білім басқармасы » ММ мен Нұр – Сұлтан қаласы әкімдігінің «Білім беруді жаңғырту орталығы МКҚК ұйымдастыруымен, Нұр – Сұлтан қаласының жалпы орта, техникалық және кәсіптік білім беру ұйымдарының кітапханашылары арасында «Кітапхана қызметінің үздік моделі» қалалық конкурсы жарияланды. Сайысты өткізудің мақсаты Білім беру ұйымдарындағы үздік кітапхана моделінің қызметін және кітапхана дизайнын анықтау болды. Сайыс екі кезеңнен тұрды: I кезең 2020 жылдың 3-5 қараша аралығында өткізілді, бұл кезеңде қазылар алқасы үздік моделді кітапхана қызметінің презентациясы арқылы бағалады. II кезеңде бірінші кезеңнен өткен сайыскерлер 16 қарашада кітапхана дизайынының жобасын ұсынды. Нұр – Сұлтан қаласы әкімдігіне қарасты Жоғарғы көлік және коммуникация колледжі атынан кітапханашы Мәншүк Омарова қатысты. Сайыстың қорытындысы бойынша Мәншүк Омарова жүлделі екінші орынды иеленіп дипломмен мараптатталды. Сайыстың қорытындысы ақпарат құралдарында, Нұр – Сұлтан қаласы әкімдігінің «Білім беруді жаңғырту орталығы» МКҚК ғаламтордағы парақшаларында жарияланды.
Колледж кітапханашысы Омарова Мәншүк Мейірім қызын марапатымен құттықтап, алдағы уақытта да кәсіби жетістіктерге жете беруіне тілектеспіз.

Кітапхана меңгерушісі: Г.Жунусова