Директор КУБОГІ!

2021 жылдың 8 желтоқсаны күні Қазақстан Республикасы Тәуелсіздігінің 30 жылдығына орай "Колледж директорының КУБОГІ" тақырыбындағы колледжішілік Жайдарман ойыны өткізілді. Колледж директоры Зұлфұхар Сұлтанұлының бастамасымен ұйымдастырылған байқаудың басты мақсаты жастардың рухани және мәдени құндылықтарын дамыту, шығармашылық қаблеттерін шыңдау және жас дарындарды анықтап қолдау. Колледжіміздің студенттері арасындағы байланысты арттырып, жастарға өзіндік орта қалыптастыруларына орай туғызу болды.

Сәні мен салтанаты жарасқан айтулы шараға колледжіміздің 9 құрама командасы қатысып, көрермен алдында өнер көрсетті. Жайдарман ойындарының форматында өткен байқауда әр құрама өзіндік жаңаша ойын көрсетті. Аз уақыт ішінде көрерменнің көңілінен шығып, қазылардың сынына ұшырамаған командалар жүлделі орындарды иеленді.

Тартысқа толы сайыстың нәтижесі бойынша жүлделі ІІІ-орынды «Қанатжанның қанаттары» құрамасы, ІІ-орынды «Байланыс жігіттері» құрамасы иеленіп қалалық ойынға жолдама алса, ал байқаудың І-орынын және чемпиондық «Директор КУБОГІН» «Элита» құрамасы қанжығасына байлады. «Үздік ойыншы» ретінді тәжірибелі жайдарманшы Оразай Мухаммад танылса, сайысқа қатысқан өзге командалар колледж директорының алғыс хатымен марапатталды.

Байқау соңында әділ қазы алқалары іс-шараны жоғары деңгейде өткізгендері үшін және талантты жастарға үлкен қолдау көрсеткені үшін колледж басшылығына зор алғысын білдірді.

Бақыт Ұланбек