17.06.2022

«Колледждер пікірсайыс лигасы - 2022» қалалық пікірсайыс турнирі

2022 жылдың маусым айының 17 күні Жоғары Көлік және коммуникация колледжінің «Тальго» дебат клубы және Қазақстан Республикасы Тұңғыш Президенті – Елбасы кітапханасы жанындағы «Ақиқат» дебат клубының ұйымдастыруымен «Болашақ Қазақстанға» қоғамдық студентер бірлестігінің қолдауымен колледж студенттері арасында «Колледждер пікірсайыс лигасы - 2022» атты қалалық пікірсайыс турнирі өтті.

Елордамыздың 16 колледжінен 70-тен аса студент қатысқан турнирдің марапаттау рәсіміне Нұр-Сұлтан қаласы Жастар саясаты мәселелері басқармасының бөлім басшысы Ақұлан Тастемір мырза, Нұр-Сұлтан қалалық мәслихатының депутаты Жанділдаев Бақдәулет Болатұлы,
ҚР Тұңғыш Президенті – Елбасы кітапханасының Мәдени-ағартушылық жобалар қызметінің жетекші ғылыми қызметкері, Ақиқат пікірталас клубының координаторы Оспанова Әсия Әділқызы және ҚР Дебат қозғалысын дамыту бойынша жобалық кеңсе сарапшысы және осы турнирдің бас төрешісі Аслан Төрехан мырза қатысып, жас пікірсайысшыларға бағалы сыйлықтар мен алғыс хаттар табыстады.

Турнирдің "Үздік спикері" атанған Әшірбек Нұрханым (Педагогикалық колледж) 25 000 тг сертификатын және арнайы кубокты алса, үшінші орын алған "Ұлт ұландары" (ЕАГИ колледжі) командасы 50 000тг сертификатпен марапатталды. Ал екінші орынды еншілеген "Форбс" (ВТЭК колледжі) командасы 75 000тг сертификатын ұтып алды. Сайыс жеңімпазы ретінде "Тальго" (ВКТК колледжі)командасы танылып жүлдеге тігілген қос спорттық велосипедттің иегерлері атанды. Жарыс жеңімпаздарының барлығына және турнирдің төрешілеріне ҚР Тұңғыш Президенті – Елбасы кітапханасы әзірлеген арнайы сыйлақтар табысталды.

Асыл сөздің қадірін білген, білімді жастарымыз көбейе берсін.